स्वास्थ्य शिविर सम्पन्न

गत फाल्गुण २२ गते शुक्रबारका दिन काठमाण्डौं जिल्ला, दक्षिणकाली नगरपालिका फर्पिङ्ग स्थित मनमोहन स्मृति सामुदायिक अस्पतालमा अन्तराष्ट्रिय नारी दिवसको उपलक्ष्यमा नेपाल प्रहरी श्रीमती संघ र नेपाल प्रहरी अस्पतालद्धारा संयुक्त रुपमा संचालन भएको स्त्री तथा प्रसूति रोग सम्बन्धी निःशुल्क स्वास्थ्य शिविर तथा जनचेतनामूलक कार्यक्रममा १०२ जना बिरामीहरुको स्त्रीरोग सम्बन्धी स्वास्थ्य चेक जाँच गरिएको थियो ।

उक्त कार्यक्रममा महिला स्वास्थ्य सम्बन्धी जन चेतनामूलक कक्षा तथा अन्तरक्रिया समेत भएको थियो । अस्पताल संचालक समितिका सदस्यज्यूहरु, कर्मचारीहरु, स्थानिय महिलाहरु, स्कूलका शिक्षक विद्यार्थीहरु सहभागी रहेको उक्त कार्यक्रम असाध्ये फलदायी भएको प्रतिक्रिया स्थानियबासीले कार्यक्रम पश्चात व्यक्त गरेका थिए । कार्यक्रममा निःशुल्क औषधि वितरण समेत भएको थियो ।